Программы по ПДД
Конкурс «Дорожный следопыт»
 



 
 
 
 




Новости / Новости, акции, мероприятия, события


11.11.2018 Ушанавалі ветэранаў


У Чэрвеньскім РАУС адбылася ўрачыстасць з нагоды Дня ўшанавання ветэранаў органаў унутраных спраў Рэспублікі Беларусь і ўнутраных войскаў Міністэрства ўнутраных спраў Рэспублікі Беларусь, які восьмы год азначаецца ў краіне 10 лістапада, у дзень заснавання савецкай міліцыі. Выступаючы на ёй з віншавальным словам, начальнік раённага аддзела ўнутраных спраў палкоўнік міліцыі Аляксей Пратаповіч выказаў шчырую ўдзячнасць супрацоўнікам, што знаходзяцца на заслужаным адпачынку, за вялікі ўклад у развіццё падраздзялення і сказаў, што цяперашняе пакаленне вартавых правапарадку з гонарам працягвае іх справу.

У прысутнасці ветэранаў Аляксей Пратаповіч уручыў пагоны сяржанта міліцыі малодшаму сяржанту Антону Сцяжко і першае службовае пасведчанне прапаршчыку міліцыі, участковаму інспектару Андрэю Бабічу. Падарунак да дня нараджэння атрымаў на свяце былы міліцыянер-вадзіцель Пётр Казлоўскі.

Ветэранаў міліцыі таксама павіншаваў ваенны камісар Чэрвенскага і Бярэзінскага раёнаў Артур Чэус. Ён уручыў юбілейны медаль “100 год Узброеным Сілам Рэспублікі Беларусь” камандзіру асобнага стралковага батальёна тэрытарыяльных войскаў, былому начальніку Чэрвенскага РАУС палкоўніку запасу Сяргею Церашу.

Для ўдзельнікаў урачыстасці спявалі салісты раённага Цэнтра культуры і адпачынку.

 

 

Ігар АДАМОВІЧ, «Раённы веснік»
Фота аўтара


Перейти к полному списку »
В начало
Карта сайта